తాళం వేసి ఉన్న ఇళ్లను లక్ష్యంగా చేసుకొని దొంగతనాలకు పాల్పడుతున్న అంతర్ రాష్ట్ర దొంగను వరంగల్ సీసీఎస్ పోలీసులు అరెస్ట్ చేశారు. నిందుతుడి నుంచి రూ. 30 లక్షల విలువ గల 475 గ్రాముల బంగారం, 3 కిలోల వెండి ఆభరణాలు, 2 లక్షల 50 వేల నగదు, 5 ఎల్ఈడీ టీవీలు, 6 కెమెరాలు, 2 చరవాణిలను పోలీసులు స్వాధీనం చేసుకున్నారు.
వరంగల్లో అంతర్ రాష్ట్ర దొంగ అరెస్టు
తాళం వేసి ఉన్న ఇళ్లనే లక్ష్యంగా చేసుకుని చోరీలకు పాల్పడే వ్యక్తిని వరంగల్ పోలీసులు అరెస్టు చేశారు. నిందితుడి నుంచి రూ.30 లక్షల విలువ చేసే బంగారం, 3 కిలోల వెండి ఆభరణాలను స్వాధీనం చేసుకున్నారు.
వరంగల్లో అంతర్ రాష్ట్ర దొంగ అరెస్టు
ఏపీ ప్రకాశం జిల్లా చీరాలకు చెందిన సయ్యద్.. జల్సాలకు అలవాటు పడి బాల్యం నుంచే చోరీలకు పాల్పడేవాడని.. తాళం వేసి ఉన్న ఇళ్లను లక్ష్యంగా చేసుకుని దొంగతనం చేసేవాడని సీపీ రవీందర్ తెలిపారు. 2003లో నెల్లూరు, ప్రకాశం జిల్లాలో చోరీలకు పాల్పడగా నిందుతుడిని పోలీసులు అరెస్ట్ చేసి జైల్కు తరలించారని చెప్పారు. జైల్ నుంచి బయటకు వచ్చాక వరంగల్ పోలీస్ కమిషనరేట్ పరిధిలో పలు ఇళ్లలో దొంగతనాలకు పాల్పడ్డాడని వెల్లడించారు. 2018లో ఒక్క వరంగల్ పోలీస్ కమిషనరేట్ పరిధిలో 20 దొంగతనాలు చేశాడని పేర్కొన్నారు.
ఇవీ చూడండి: రాష్ట్రంలో పెరిగిపోయిన రిజిస్ట్రేషన్ల స్లాట్ బుకింగ్