'భార్యను చంపేసి... ఆత్మహత్యగా చిత్రీకరించి'

కుటుంబ కలహాల నేపథ్యంలో భార్యపై దాడిచేసి గొంతు నులిమి హతమార్చిన భర్త... ఈ ఘటనను ఆత్మహత్యగా చిత్రీకరించే యత్నం చేశాడు. ఈ ఘటన తెలంగాణలోని కుషాయిగూడలో జరిగింది.

అసోం రాష్ట్రం తేజ్‌పూర్‌ జిల్లా పోస్కో గ్రామానికి చెందిన సంతోష్‌ చౌహాన్‌, దీపాలి చౌహాన్‌ దంపతులు. హైదరాబాద్​ చిన్న చర్లపల్లిలోని వెంకట్​రెడ్డినగర్‌ కాలనీలో ఉంటున్నారు. వీరికి ఇద్దరు కుమారులు. సంతోష్‌ చౌహాన్‌ చర్లపల్లి పారిశ్రామికవాడలోని ఓ కంపెనీలో పని చేస్తున్నాడు. కుటుంబ కలహాలు, అనుమానంతో భార్యతో సంతోష్‌ తరుచూ గొడవపడుతూ ఉండేవాడు.

గురువారం అర్ధరాత్రి డబ్బుల విషయంలో భార్యాభర్తల మధ్య గొడవ జరిగింది. ఆగ్రహానికి గురైన సంతోష్‌భార్యపై దాడిచేసి గొంతునులిమి హత్య చేశాడు. ఆపై ఉరివేసుకుని ఆత్మహత్యకు పాల్పడినట్లు చిత్రీకరించే యత్నం చేశాడు. కేసు నమోదు చేసుకుని దర్యాప్తు జరుపుతున్నట్లు పోలీసులు తెలిపారు.

ఇవీ చూడండి:ఆరు గాయాలుంటే ఒకటే అంటారేం..?: హైకోర్టు