తెలంగాణ ఉన్నత విద్యామండలి పలు ప్రవేశపరీక్షల షెడ్యూల్‌ ప్రకటించింది. జులై 5 నుంచి 9 వరకు టీఎస్‌ ఎంసెట్, జులై 1న ఈసెట్‌ నిర్వహించనున్నట్లు వెల్లడించింది. జూన్‌ 20న పీజీఈసెట్‌ నిర్వహించాలని నిర్ణయించిన ఉన్నత విద్యామండలి.. ఐసెట్‌, ఎడ్‌సెట్‌, పీఈసెట్‌, లాసెట్‌, పీజీలాసెట్‌ తేదీలపై నిర్ణయం తీసుకోలేదు.
తెలంగాణలో ప్రవేశపరీక్షల తేదీలు ఖరారు - హైదరాబాద్ వార్తలు
తెలంగాణ ఉన్నత విద్యామండలి పలు ప్రవేశపరీక్షల తేదీలను ఖరారు చేసింది. అలాగే పరీక్షలకు సంబంధించిన సిలబస్ను నిర్ణయించింది.
తెలంగాణలో ప్రవేశపరీక్షల తేదీలు ఖరారు
ఎంసెట్లో ఇంటర్ ద్వితీయ సంవత్సరంలో 70 శాతం.. మొదటి సంవత్సరంలో పూర్తి సిలబస్ నుంచి ప్రశ్నలు ఇవ్వాలని ఉన్నత విద్యామండలి ఇప్పటికే నిర్ణయించింది. జేఈఈ తరహాలోనే ఈ ఏడాది ఎంసెట్లో ఛాయిస్ ఇవ్వనున్నారు. ఎన్ని ప్రశ్నలు అదనంగా ఇవ్వాలో నిపుణులతో చర్చించి నిర్ణయం తీసుకోనున్నారు. ఎంసెట్ ర్యాంకుల ఖరారులో ఇంటర్ మార్కులకు 25 శాతం వెయిటేజీ యథాతథంగా కొనసాగుతుందని ఉన్నత విద్యామండలి తెలిపింది.
ఇదీ చదవండి:జోగి రమేశ్.. పార్టీ ర్యాలీలు, సభల్లో పాల్గొనవచ్చు: హైకోర్టు