నైరుతి రుతుపవనాలు విస్తరిస్తున్నాయి. శనివారం కర్ణాటక తీరప్రాంతం, గోవా అంతటా ప్రవేశించాయి. మహారాష్ట్రలో కొంత భాగం, ఉత్తర కర్ణాటకలోని మారుమూల ప్రాంతాలతోపాటు తెలంగాణ, ఆంధ్రప్రదేశ్‌లోని మరికొన్ని ప్రాంతాలకు విస్తరించాయి. ఆదివారం నాటికి తెలుగు రాష్ట్రాల్లో చాలా ప్రాంతాలకు విస్తరించే అవకాశం ఉందని అమరావతి వాతావరణ కేంద్రం డైరెక్టర్‌ స్టెల్లా తెలిపారు. వీటి ప్రభావంతో కోస్తా, రాయలసీమల్లో ఒకటి రెండుచోట్ల ఉరుములు, మెరుపులతో తేలికపాటి నుంచి ఒక మోస్తరు వానలు కురవొచ్చని చెప్పారు.
* శుక్రవారం ఉదయం 8.30 నుంచి శనివారం ఉదయం 8.30 గంటల వరకు రాష్ట్రవ్యాప్తంగా 6.3 మి.మీ సగటు వర్షం కురిసింది. కడప జిల్లాలో 26.1, అనంతపురం జిల్లాలో 18.5, చిత్తూరు జిల్లాలో 10.7 మి.మీ చొప్పున నమోదైంది. ఈ జిల్లాల్లోని 101 మండలాల్లో సగటున 10 మి.మీ పైనే వానలు కురిశాయి. అత్యధికంగా కడప జిల్లా రాయచోటిలో 108.50 మి.మీ వర్షపాతం నమోదైంది.
* శనివారం ఉదయం 8.30 నుంచి రాత్రి 9 గంటల వరకు.. అత్యధికంగా తిరుపతిలో 63.5, అనంతపురం జిల్లా గుత్తిలో 54, ప్రకాశం జిల్లా హనుమంతునిపాడులో 35.35 మి.మీ వర్షపాతం నమోదైంది. అనంతపురం జిల్లాలో పలు ప్రాంతాలతోపాటు తూర్పుగోదావరి జిల్లా దేవీపట్నం, కడప జిల్లా రాయచోటి, నెల్లూరు జిల్లా పెళ్లకూరు, కర్నూలు జిల్లా తుగ్గలిలోనూ తేలికపాటి జల్లులు పడ్డాయి.
11న బంగాళాఖాతంలో అల్పపీడనం