తెలంగాణ రాష్ట్రంలోని దుబ్బాక ఉపఎన్నిక రాజకీయం రసవత్తరంగా మారుతోంది. భాజపా అభ్యర్థి రఘునందన్రావు బంధువుల ఇంట్లో సోమవారం సోదాలతో మొదలైన రాజకీయ ఉద్రిక్తతలు.. ఇంకా కొనసాగుతున్నాయి. సిద్దిపేట పోలీస్ కమిషనర్‌ను సస్పెండ్ చేసి కేసు నమోదు చేయాలన్న డిమాండ్‌తో భాజపా రాష్ట్ర అధ్యక్షుడు బండి సంజయ్‌ కరీంనగర్‌లో దీక్ష కొనసాగిస్తున్నారు.
'తెరాస కుట్రలు...'
సిద్దిపేటకు వెళ్తుండగా సోమవారం సంజయ్‌ను పోలీసులు అరెస్టు చేయగా ఆయన దీక్ష చేపట్టారు. దుబ్బాకలో భాజపా గెలవబోతుందన్న సంజయ్‌... ఎన్నికలను వాయిదా వేయించేందుకు తెరాస కుట్రలు దిగుతోందని ఆరోపించారు. దీక్షకు సంఘీభావం ప్రకటించిన భాజపా జాతీయ ఉపాధ్యక్షురాలు డీకే అరుణ... ఓటమి భయంతోనే తెరాస నిర్బంధ చర్యలకు దిగుతోందని ఆరోపించారు.
పోలీసుల బందోబస్తు...