కరోనా వ్యాక్సిన్ రెండో డోస్ ఇవ్వడంలో తెలంగాణ దేశంలో రెండో స్థానంలో ఉండడం సంతోషకరమని ఆ రాష్ట్ర గవర్నర్ తమిళిసై సౌందరాజన్ చెప్పారు. రాష్ట్రంలో 86,745 మంది ఆరోగ్య సంరక్షణ కార్యకర్తలకు రెండో డోస్ టీకాలు వేశారని తెలిపారు.
తెలంగాణ ఆరోగ్య శాఖకు గవర్నర్ ట్విట్టర్ వేదికగా అభినందనలు తెలిపారు. పలు చోట్ల కొవిడ్ కేసులు పెరుగుతున్నాయని.. వైరస్ రాకుండా జాగ్రత్తలు తీసుకోవాలని కోరారు. ఏ మాత్రం అజాగ్రత్త వద్దన్నారు.