హైదరాబాద్లో గ్యాస్ లీకేజీ.. ఆందోళనలో స్థానికులు
Gas Leakage at Hyderabad: తెలంగాణ రాష్ట్రం హైదరాబాద్ నిజాంపేట్ ప్రధాన రహదారిలో గ్యాస్ లీకేజీతో స్థానికుల్లో భయాందోళన నెలకొంది. గాయత్రీ టవర్ సమీపంలో జేసీబీతో నీటి పైపులైను మరమ్మతులు చేస్తుండగా.. పక్కనే ఉన్న గ్యాస్ పైప్ పగిలిపోయింది. అందులో నుంచి గ్యాస్ లీకవుతుండడంతో.. స్థానికులు భయాందోళనకు గురయ్యారు. గ్యాస్ లీకవ్వడంతో ఒక్కసారిగా గాళ్లోకి దుమ్ము, ధూళి ఎగిసిపడ్డాయి. ఆ రహదారిలో నుంచి వెళ్లే వారంతా ఇబ్బందులు పడ్డారు. కాసేపు అక్కడ ట్రాఫిక్ జామ్ ఏర్పడింది. సమాచారం అందుకున్న పోలీసులు ఘటనాస్థలానికి చేరుకున్నారు. సంబంధిత అధికారులకు సమాచారం ఇవ్వగా వచ్చిన ఆ అధికారులు గ్యాస్ లీక్ కాకుండా చర్యలు తీసుకున్నారు. లీకేజీ ఆగిపోవడంతో స్థానికులు ఊపిరి పీల్చుకున్నారు.
చెప్పినా వినలేదు..