తెలంగాణలోని నల్గొండ ఎన్‌జీ కళాశాల మైదానంలో విశ్రాంత ఐపీఎస్ ఆర్.ఎస్.ప్రవీణ్కుమార్ 'రాజ్యాధికార సంకల్ప సభ' జరిగింది. ఈ సభకు బీఎస్పీ శ్రేణులు, స్వేరోస్‌ ప్రతినిధులు భారీగా తరలివచ్చారు. రాజ్యసభ సభ్యుడు రాంజీ గౌతమ్ సమక్షంలో ప్రవీణ్కుమార్ బీఎస్పీలో చేరారు. తెలంగాణలో గురుకులాల కార్యదర్శిగా పనిచేసిన ఐపీఎస్ అధికారి ప్రవీణ్కుమార్.. ఇటీవల స్వచ్ఛందంగా పదవీ విరమణ చేశారు.
మర్రిగూడ బైపాస్‌ నుంచి సభా వేదిక వరకు ప్రవీణ్కుమార్.. ర్యాలీగా వచ్చారు. మర్రిగూడ బైపాస్‌ వద్ద అంబేడ్కర్‌, జగ్జీవన్‌ విగ్రహాలకు నివాళులు అర్పించారు. మహిళల కోలాటాలు, డప్పు చప్పుళ్లతో భారీ ర్యాలీ నిర్వహించారు.