కరోనా కట్టడికి ఐదుగురు మంత్రులతో పర్యవేక్షణ కమిటీ

రాష్ట్రంలో కరోనా కట్టడికి ఐదుగురు మంత్రులతో పర్యవేక్షణ కమిటీ ఏర్పాటైంది. వ్యాక్సినేషన్ అమలు, కమాండ్ కంట్రోల్ పర్యవేక్షణకు కమిటీని ఏర్పాటు చేశారు. ఈ నెల 22న ఉదయం 11 గంటలకు మంత్రుల కమిటీ భేటీ కానుంది. పర్యవేక్షణ కమిటీ కన్వీనర్‌గా ఆరోగ్యశాఖ మంత్రి ఆళ్ల నాని వ్యవహరించనున్నారు. సభ్యులుగా మంత్రులు బుగ్గన, సుచరిత, బొత్స, కన్నబాబు ఉంటారు.

రాష్ట్రంలో కరోనా నియంత్రణకు ఐదుగురు మంత్రులతో పర్యవేక్షణ కమిటీని ప్రభుత్వం ఏర్పాటు చేసింది. కొవిడ్ నివారణకు పర్యవేక్షణ, వ్యాక్సినేషన్, కమాండ్ కంట్రోల్​ను పర్యవేక్షణ చేయడానికి కమిటీ నియమించింది. కమిటీకి కన్వీనర్​గా వైద్యారోగ్య శాఖ మంత్రి ఆళ్ల నాని ఉండగా.. సభ్యులుగా మంత్రులు బుగ్గన, సుచరిత, బొత్స సత్యనారాయణ, కన్నబాబు ఉంటారు.

ఈ నెల 22వ తేదీ ఉదయం 11గంటలకు మంత్రులు కమిటీ సమావేశం కానుంది. మంగళగిరిలోని ఏపీఐఐసీ బిల్డింగ్ 6వ ఫ్లోర్​లోని కాన్ఫరెన్స్ హల్లో సమావేశం జరగనుంది. రాష్ట్రంలో కరోనా నియంత్రణకు తీసుకోవలసిన చర్యలు, ఆసుపత్రుల్లో కరోనా బాధితులకు అందుతున్న వైద్య సేవలపై చర్చించనున్నారు. కమాండ్ కంట్రోల్ ఎప్పటికప్పుడు పర్యవేక్షణ సహా... పలు అంశాలపై చర్చించి కీలక నిర్ణయాలు మంత్రుల కమిటీ తీసుకోనుంది.

ఇదీ చదవండీ... రాష్ట్రంలో కరోనా కల్లోలం..8,987 కేసులు, 35 మరణాలు