ఉబర్​ క్యాబ్​లో మంటలు.. మంటలు ఆర్పే లోపే!

ఉబర్ క్యాబ్​లో మంటలు చెలరేగాయి. సకాలంలో స్పందించిన ట్రాఫిక్​ పోలీసులు మంటలను అదుపు చేశారు. ఈ ఘటన హైదరాబాద్​లోని తెలుగుతల్లి ఫ్లైఓవర్​ వద్ద జరిగింది.

హైదరాబాద్​లోని తెలుగుతల్లి ఫ్లైఓవర్​ వద్ద ఉబర్​ కారులో మంటలు చెలరేగాయి. ఇద్దరు ప్రయాణికులతో మలక్​పేట్ నుంచి అమీర్​పేట్​ వెళ్తుండగా ఫ్లైఓవర్​ వద్దకు వచ్చేసరికి కారు ఇంజిన్​లో నుంచి దట్టమైన పొగలు, మంటలు వచ్చాయి.

అక్కడే ఉన్న సైఫాబాద్ ట్రాఫిక్ పోలీసులు అప్రమత్తమై మంటలను ఆర్పివేశారు. అప్పటికే కారు మొత్తం దగ్ధమైంది. ఘటనలో ఎవ్వరూ గాయపడలేదు. ఇద్దరు ప్రయాణికులను మరో వాహనంలో పంపేశారు.

ఇదీ చూడండి:ప్రజలందరూ ఇళ్లల్లో ఉండి పండుగ జరుపుకోవాలి: గవర్నర్