'స్థానికులు అభ్యంతరం చెబితే మద్యం దుకాణాలు తొలిగిస్తాం'

మద్యనిషేధ చర్యల్లో భాగంగా నేటి నుంచి నూతన మద్యం విధానాన్ని అమలుచేస్తున్నట్లు ఎక్సైజ్ శాఖ కమిషనర్ నాయక్ తెలిపారు. రాష్ట్రంలో 20శాతం మద్యం దుకాణాలను తగ్గించామన్న ఆయన... ప్రస్తుతం వాటి సంఖ్యను 3,500 కుదించామన్నారు. ప్రత్యేక బృందాలు ఏర్పాటు చేసి బెల్టు షాపులు పూర్తిగా నిర్మూలిస్తామన్నారు.

సీఎం జగన్ ఆదేశాల మేరకు దశల వారీ మద్య నిషేధంలో భాగంగా నూతన ఎక్సైజ్ విధానాన్ని అమలు చేస్తున్నామని ఎక్సైజ్ శాఖ కమిషనర్ ఎమ్.ఎమ్.నాయక్ తెలిపారు. ఏపీఎస్​బీసీఎల్​ఎమ్​డీ వాసుదేవారెడ్డి, ఎన్​ఫోర్స్​మెంట్ డైరెక్టర్ పి.హరికుమార్​లతో కలిసి అమరావతిలో మీడియా సమావేశం ఏర్పాటు చేశారు. ప్రజల ఆశయాలకు అనుగుణంగా మద్యం పాలసీ ఉంటుందన్నారు. రాష్ట్రవ్యాప్తంగా ఉన్న మద్యం దుకాణాలను 20 శాతం తగ్గించామని నాయక్ తెలిపారు. రాష్ట్ర వ్యాప్తంగా ఉన్న 4,380 దుకాణాల సంఖ్యను 3,500కు తగ్గించామని స్పష్టం చేశారు. రాబోయే రోజుల్లో గ్రామ సచివాలయ మహిళా పోలీసులను మద్యనిషేధ కార్యక్రమాల్లో భాగస్వామ్యం చేస్తామన్నారు. స్థానికులు అభ్యంతరం తెలుపుతున్న మద్యం దుకాణాలను తొలిగించేందుకు ఆదేశాలు జారీ చేశామన్నారు. రాష్ట్ర వ్యాప్తంగా 93 ఎన్​ఫోర్స్​మెంట్, టాస్క్​ఫోర్స్ బృందాలు ఏర్పాటు చేసి బెల్టు షాపుల నిర్మూలనకు ప్రత్యేక ఏర్పాట్లు చేశామని చెప్పారు.

ఇదీ చదవండి :

20 శాతం మద్యం దుకాణాలు తగ్గించాం: నారాయణస్వామి