అసెంబ్లీ ఫర్నిచర్ అంశంపై హైకోర్టులో కోడెల పిటిషన్​

అసెంబ్లీ ఫర్నిచర్ వ్యవహారంపై హైకోర్టులో వ్యాజ్యం దాఖలైంది. జూన్​లోనే ఫర్నిచర్ స్వాధీనం చేసుకోవాలని అధికారులకు లేఖ రాసినట్లు మాజీ సభాపతి కోడెల పిటిషన్‌లో పేర్కొన్నారు.

అసెంబ్లీ ఫర్నిచర్​ వ్యవహారం హైకోర్టుకు చేరింది. ఫర్నీచర్‌ అంశంపై మాజీ స్పీకర్‌ కోడెల శివప్రసాదరావు హైకోర్టులో పిటిషన్‌ దాఖలు చేశారు. ఫర్నిచర్​ తీసుకువెళ్లే విధంగా అసెంబ్లీ సిబ్బందిని ఆదేశించాలంటూ పిటిషన్​లో కోడెల కోరారు. ఫర్నిచర్‌ స్వాధీనం చేసుకోవాలని జూన్‌లోనే అధికారులకు లేఖ రాశానని పిటిషన్‌లో పేర్కొన్నారు. అయితే తమ వాదనలు కూడా వినాలని ప్రభుత్వ న్యాయవాది కోర్టును కోరారు. దీనితో విచారణ రేపటికి వాయిదా పడింది.