ఉరేసుకుని మాజీ ఎమ్మెల్యే కుమార్తె ఆత్మహత్య.. కారణమేంటి?

Ex MLA Daughter suicide: తెలంగాణలో మాజీ ఎమ్మెల్యే కుమార్తె ఆత్మహత్యకు పాల్పడ్డారు. గతంలో అశ్వరావుపేట, పినపాక ఎమ్మెల్యేగా పనిచేసిన తాటి వెంకటేశ్వర్లు కుమార్తె ఆత్మహత్య చేసుకున్నారు. ఎంబీబీఎస్​ పూర్తి చేసిన ఆమె.. భద్రాద్రి కొత్తగూడెంలోని బూర్గంపాడు మండలం సారపాకలోని తమ స్వగృహంలో ఉరేసుకుని బలవన్మరణం చెందారు.

Ex MLA Daughter suicide: తెలంగాణలో మాజీ ఎమ్మెల్యే తాటి వెంకటేశ్వర్లు కుమార్తె మహాలక్ష్మి (25) ఆత్మహత్య చేసుకున్నారు. భద్రాద్రి కొత్తగూడెం జిల్లా బూర్గంపాడు మండలం సారపాకలోని తమ స్వగృహంలో ఈరోజు(ఏప్రిల్​ 14) ఉదయం మహాలక్ష్మి ఉరి వేసుకున్నారు. గమనించిన కుటుంబసభ్యులు తలుపులు పగలగొట్టి.. హుటాహుటిన భద్రాచలం ప్రైవేట్ ఆస్పత్రికి తరలించారు. పరీక్షించిన వైద్యులు.. మహాలక్ష్మి అప్పటికే మృతి చెందినట్లు నిర్ధరించారు. పోస్టుమార్టం నిమిత్తం మృతదేహాన్ని భద్రాచలం ప్రభుత్వ ఆసుపత్రికి తరలించారు.

ఈ మధ్య కాలంలోనే మహాలక్ష్మి ఎంబీబీఎస్​ పూర్తి చేశారు. కుమార్తె ఆత్మహత్య చేసుకోవడంతో మాజీ ఎమ్మెల్యే తాటి వెంకటేశ్వర్లు కన్నీరుమున్నీరుగా విలపిస్తున్నారు. తాటి వెంకటేశ్వర్లు అశ్వరావుపేట, పినపాక శాసనసభ్యునిగా గతంలో పని చేశారు. ఆత్మహత్యకు గల కారణాలు తెలియాల్సి ఉంది.

ఇవీ చూడండి: