అలప్పుజలో శరవేగంగా 'ఈనాడు సహాయ నిధి' ఇళ్ల నిర్మాణమవుతున్నాయి. కేరళ వరదల్లో సర్వస్వం కోల్పోయిన వారి కోసం అలప్పుడజలో 'ఈనాడు సహాయ నిధి'తో తొలి దశలో నిర్మిస్తోన్న 43 ఇళ్లు పనులు వేగంగా సాగుతున్నాయి. ఇళ్ల నిర్మాణానికి మార్చి 2 శంకుస్థాపన జరిగింది. ప్రస్తుతం వీటి పునాదులు పూర్తయ్యాయి. నిర్మాణ పనులన్నీ కుటుంబ శ్రీ మిషన్ తరపున మహిళలే చేపట్టారు. ఉత్సాహంగా పాల్గొని వడివడిగా పూర్తి చేసేందుకు కృషి చేస్తున్నారు.
రూ. 7.7 కోట్లతో ఈనాడు సహాయ నిధితో 3 దశల్లో మొత్తం 116 ఇళ్లను నిర్మించాలనేదే లక్ష్యం. ఈ ఇళ్లలో రెండు పడకగదులు, హాలు, వంటగది, బాత్ రూం సౌకర్యాలుంటాయి. సంయుక్తకలెక్టర్ కృష్ణతేజ ఆధ్వర్యంలో పనులు శరవేగంగా జరుగుతున్నాయి.
