లాక్డౌన్ కారణంగా హైదరాబాద్‌లో మూగజీవాలకు ఆహారం లేకుండా పోయింది. వీధి శునకాల ఆకలి రోదనా వర్ణనాతీతం. వీటి పరిస్థితిని చూసి నగరానికి చెందిన దుర్గారావు అనే స్వచ్ఛంద సేవకుడు చలించిపోయారు.
స్వయంగా పెరుగన్నం తయారు చేసుకుని.. రోజూ 50 కిలోమీటర్లు ప్రయాణిస్తూ... వీధి శునకాల ఆకలి తీరుస్తున్నారు. ఎక్కడ శునకాలు కనిపించినా వాటికి ఆహారం అందిస్తున్నారు. లీడ్‌ వరల్డ్‌-2050 అనే స్వచ్ఛంద సంస్థ ద్వారా దుర్గారావు.. మూగజీవాలకు సేవ చేస్తున్నారు. తన సొంత ఖర్చులతోనే శునకాలకు ఆహారం పెడుతున్నట్లు చెప్పారు.