సంఘం డెయిరీ ఛైర్మన్ ధూళిపాళ్ల నరేంద్ర కుమార్, డెయిరీ ఎండీ పి.గోపాలకృష్ణన్ హైకోర్టులో అత్యవసరంగా వ్యాఖ్యం దాఖలు చేశారు. ఆర్థిక, పరిపాలనాపరమైన అక్రమాలకు పాల్పడ్డామనే ఆరోపణతో.. ఈ నెల 22న అవినీతి నిరోధక శాఖ తమపై నమోదు చేసిన కేసును కొట్టేయాలని వ్యాఖ్యంలో కోరారు. ఎఫ్ఐఆర్ ఆధారంగా చేపట్టే తదుపరి చర్యలన్నింటిని నిలువరిస్తూ మధ్యంతర ఉత్తర్వులివ్వాలని కోరారు. తమను జ్యుడీషియల్ రిమాండ్కు పంపుతూ విజయవాడలోని 8వ అదనపు జిల్లా కోర్టు ఈ నెల 23న జారీచేసిన ఉత్తర్వులను కొట్టేసి, బెయిలు మంజూరు చేయాలని.. మరో వ్యాజ్యం దాఖలు చేశారు.
ఈ వ్యాజ్యాలపై హైకోర్టు న్యాయమూర్తి.. జస్టిస్ ఆర్.రఘునందన్ రావు విచారణ జరిపేందుకు అనుమతి ఇచ్చారు. ఈ వ్యాజ్యాలపై ఇవాళ న్యాయమూర్తి విచారణ జరపనున్నారు. తమపై అక్రమంగా ఎఫ్ఐఆర్ నమోదు చేసి అరెస్ట్ చేశారని.. పిటిషన్లలో పేర్కొన్నారు. రాజకీయ ప్రతీకారం తీర్చుకోవటానికి ఏసీబీ చట్టం కింద కేసు నమోదు చేశారని.. ఇది చట్టవిరుద్ధమని వివరించారు.