గవర్నర్​తో సీఎస్, డీజీపీ, సీఎంవో అధికారి భేటీ

సీఎస్ నీలం సాహ్ని, డీజీపీ గౌతంసవాంగ్, సీఎంవో అధికారి గవర్నర్ బిశ్వభూషణ్​తో సమావేశమయ్యారు. రాజ్​భవన్​ నుంచి వచ్చిన పిలుపు మేరకు అధికారులు గవర్నర్​తో భేటీ అయ్యారు. రాష్ట్రంలో తాజా పరిస్థితులపై గవర్నర్​కు అధికారులు వివరించినట్లు తెలుస్తోంది.

గవర్నర్‌ పిలుపు మేరకు ప్రభుత్వ ప్రధాన కార్యదర్శి నీలం సాహ్ని, డీజీపీ గౌతంసవాంగ్‌, సీఎంవో అధికారి రాజ్‌భవన్‌కు వచ్చారు. రాష్ట్రంలో జరుగుతున్న పరిణామాలపై గవర్నర్​తో చర్చించారు. రాష్ట్ర ఎన్నికల కమిషనర్‌ లేఖ, కరోనా నివారణకు రాష్ట్ర ప్రభుత్వం తీసుకుంటున్న చర్యలను గవర్నర్‌కు వివరించారు. స్థానిక సంస్థల ఎన్నికల వాయిదా అనంతరం రాష్ట్రంలో నెలకొన్న పరిస్థితులపై అధికారులు గవర్నర్​కు వివరించారు. కరోనాను నివారించేందుకు అన్ని శాఖల సమన్వయంతో ముందస్తు జాగ్రత్తలు ఏ విధంగా తీసుకుంటున్నారో గవర్నర్‌కు చెప్పారు.

ఇదీ చదవండి :తిరుమలలో వారం పాటు దర్శనం నిలిపివేత