Daughter killed Father: ప్రేమకు అడ్డనుకుంది... ప్రియుడితో కలిసి కన్నతండ్రినే చంపేసింది!

తెలిసీ తెలియని వయసులో ఓ యువకుడి వలలో పడింది. అదే ప్రేమ అనుకుంది. ఆ ప్రేమ మత్తులో పడి కన్నతండ్రి చెప్పిన మాటలు పెడచెవిన పెట్టింది. ఆ వయసులో కలిగేది ప్రేమ కాదు ఆకర్షణ అని చెప్పిన తండ్రి మాటను ఖాతరు చేయకపోగా.. అతడిపైన కోపం పెంచుకుంది. కూతురు తన మాట వినడం లేదని.. ఆ యువకుడికి సర్దిచెప్పాడు ఆ తండ్రి. అయినా వికపోవడంతో పోలీసులకు ఫిర్యాదు చేశాడు. తనను జైలుకు పంపించాడని బాలిక తండ్రిపై పగ పెంచుకున్న ఆమె, ప్రియుడు, అతడి స్నేహితులు కలిసి ఆమె తండ్రిని హతమార్చారు(Daughter killed Father). యువకుడి మాయలో పడిన ఆమె తనను కంటికి రెప్పలా చూసుకున్నాడన్న కనికరం లేకుండా కన్నతండ్రినే మట్టుబెట్టింది.

తెలంగాణలోని మేడ్చల్ జిల్లా కాప్రాలో రామకృష్ణ అనే వ్యక్తి జులై 20న అనుమానాస్పద స్థితి(suspicious death)లో మృతి చెందాడు. అతడి మృతదేహాన్ని పోస్టుమార్టానికి పంపించిన పోలీసులు ఆ నివేదిక ఆధారంగా అతడిది హత్యేనని నిర్ధారణకు వచ్చారు. రామకృష్ణ హత్య కేసును దర్యాప్తు చేస్తూ.. అతడి భార్యను విచారించారు. విచారణలో ఆమె చెప్పిన విషయాలు విని పోలీసులే నివ్వెరపోయారు. ఆమె ఏం చెప్పింది? ఇంతకీ ఏం జరిగింది? రామకృష్ణను హత్య చేసింది ఎవరంటే?

అసలేం జరిగిందంటే..

మేడ్చల్ జిల్లా కాప్రాలో భార్యా పిల్లలతో కలిసి నివాసముంటున్నాడు రామకృష్ణ. వారు గతంలో నారాయణగూడలో ఉన్న సమయంలో.. అతడి కుమార్తె భూపాల్ అనే యువకుడితో ప్రేమగా ఉండటం గమనించాడు. తరచూ అతనికి ఇంట్లో నుంచి డబ్బు తీసుకెళ్లి ఇవ్వడం చూశాడు. 17 ఏళ్ల తన కూతురికి.. ఆ వయసులో కలిగేది ప్రేమ కాదు ఆకర్షణ అని చెప్పి.. ఆ యువకుడితో మాట్లాడటం మానేయమని(Father rebuked daughter) అన్నాడు. ఆమె తండ్రి మాటలు వినకుండా అతడితో తన ప్రేమాయణం సాగించింది. అల్లారుముద్దుగా పెంచుకున్న తన గారాలపట్టి తన మాట వినకపోవడంతో ఆ కన్నగుండె విలవిలలాడింది. యువకుడి మాయలో పడి తన జీవితం ఎక్కడ నాశనం చేసుకుంటుందోనని బాధ పడింది. కంటికి రెప్పలా కాపాడుకుంటున్న తన చిన్నారికి ఎలాంటి ఆపద రాకూడదని భావించిన రామకృష్ణ.. భూపాల్​ను పిలిచి తన కూతురుతో మాట్లాడొద్దని నచ్చజెప్పాడు.

పగ పెంచుకుని..

రామకృష్ణ మాటలు ఖాతరు చేయని భూపాల్.. ఆ బాలికను తరచూ కలవడం.. మాట్లాడటం చేస్తూ ఉండేవాడు. ఇది గమనించిన రామకృష్ణ.. ఈసారి పోలీసులకు ఫిర్యాదు(father complaint on daughter's boyfriend) చేశాడు. కేసు నమోదు చేసుకున్న పోలీసులు భూపాల్​ను అరెస్టు చేశారు. తనను జైలుకు పంపిన ప్రేయసి తండ్రిపై ప్రియుడు పగ పెంచుకున్నాడు. కారాగారం నుంచి తిరిగి వచ్చిన తర్వాత తన ప్రియురాలిని కలిశాడు. ఆమె తండ్రి బతికుండగా.. వాళ్లు కలిసి ఉండటం కుదరదంటూ ఆమెకు లేనిపోని మాటలు నూరిపోశాడు. ప్రియుడి మాటలు నిజమని నమ్మిన ఆ బాలిక అతడు చెప్పినట్లు చేయడానికి అంగీకరించింది.

పక్కా ప్లాన్​తో..

జైలు నుంచి వచ్చిన భూపాల్.. రామకృష్ణను మట్టుబెట్టడానికి పథకం(boyfriend's plan to kill girlfriend's father) రచించాడు. ప్రియురాలు కూడా తన ప్లాన్​లో భాగమవ్వడంతో అతడి పని సులభం అయింది. రామకృష్ణను చంపేందుకు తన స్నేహితుల సాయం తీసుకున్నాడు. వారికి రూ. లక్షల రూపాయలిస్తానని చెప్పి.. ఒప్పందం కుదుర్చుకున్నాడు. జులై 19న ఆహారంలో నిద్రమాత్రలు(sleeping pills in food) కలపమని తన ప్రేయసికి చెప్పాడు. ఆమె అతడి మాటలు నమ్మి తన తండ్రి ఆహారంలో నిద్రమాత్రలు కలిపింది. రామకృష్ణ నిద్రమత్తులో ఉండగా ఈ ఐదుగురు అతడి గొంతు నులిమి, కణతిపై కత్తితో పొడిచి(stabbed with knife) హతమార్చారు(daughter killed father with boyfriend).

నిజం చెప్పిన తల్లి .. జైలుకు కూతురు

జులై 20 తెల్లవారుజామున అపస్మారక స్థితిలో ఉన్న రామకృష్ణను కుటుంబ సభ్యులు ఆస్పత్రికి తరలించారు. చికిత్స పొందుతూ అతడు జులై 20న మృతి చెందాడు. రామకృష్ణ మృతి అనుమానాస్పదంగా ఉండటంతో పోలీసులు అతడి మృతదేహాన్ని పోస్టుమార్టం నిమిత్తం ఆస్పత్రికి తరలించారు. పోస్టుమార్టం రిపోర్టులో అతడిది హత్యగా తేలడంతో దర్యాప్తు ప్రారంభించారు.

నా బిడ్డ జీవితం పాడవుతుందని..

ఈ దర్యాప్తు(police interrogation)లో అతడి భార్యను విచారించగా.. ఆమె అసలు విషయం బయట పెట్టింది. తన భర్తను చంపింది కూతురేనని.. ఆ విషయం స్వయంగా ఆమె తనకు చెప్పిందని పోలీసులకు తెలిపింది. ఇన్ని రోజులు ఎందు మౌనంగా ఉన్నారని పోలీసులు అడిగిన ప్రశ్నకు.. తన భర్త ఎలాగూ మరణించాడని.. నిజం చెబితే ఇప్పుడు తన కుమార్తె జీవితం పాడవుతుందని సమాధానమిచ్చింది. ఈ కేసులో రామకృష్ణ భార్య చెప్పిన వివరాల ప్రకారం పోలీసులు భూపాల్... ప్రియురాలితో సహా మరో ఇద్దరిని అరెస్టు(police arrested four accused) చేశారు.

• ఇదీ చదవండి :