హైదరాబాద్లోని ఓల్డ్ మలక్పేట డివిజన్‌లో అభ్యర్థుల పార్టీ గుర్తులు తారుమారయిన నేపథ్యంలో రీపోలింగ్‌కు ఎస్ఈసీ నిర్ణయించింది. డివిజన్‌లోని 69 పోలింగ్ కేంద్రాల్లో రీపోలింగ్‌కు నిర్వహించనున్నట్లు వెల్లడించింది. గురువారం రీపోలింగ్ జరుగునున్నట్లు ప్రకటించింది.
బ్యాలెట్ పత్రంలో సీపీఐ అభ్యర్థి పేరు ఎదురుగా సీపీఎం గుర్తు ముద్రించారు. అభ్యర్థుల ఫిర్యాదుతో ఎన్నికల సంఘం చర్యలకు ఉపక్రమించింది. ఓల్డ్ మలక్‌పేటలో 1, 2, 3, 4, 5 పోలింగ్ కేంద్రాల్లో ఓటింగ్ నిలిపివేశారు. గుర్తులు తారుమారు కావడంతో పోలింగ్‌ను ఆపేశారు. బ్యాలెట్ పత్రంలో సీపీఐ అభ్యర్థి ఎదురుగా సీపీఎం గుర్తు ఉండడంతో చాడ ఫిర్యాదు చేశారు. తదుపరి ఆదేశాలు వచ్చే వరకు పోలింగ్ నిలిపివేస్తున్నట్లు అధికారులు వెల్లడించారు.
ఓల్డ్ మలక్‌పేట్‌ డివిజన్‌లో పోలింగ్ నిలిపివేయాలి: సీపీఐ