రాష్ట్రంలో కరోనా పాజిటివ్ కేసులు 87కు చేరాయి. ఇవాళ ఒక్కరోజే 43 కరోనా కేసులు నమోదైనట్టు వైద్యశాఖ వెల్లడించింది. మంగళవారం రాత్రి 9 గంటల నుంచి బుధవారం ఉదయం 9 గంటల వరకు 43 పాజిటివ్ కేసులు నమోదయ్యాయని తెలిపింది. నిన్న రాత్రి నుంచి 373 నమూనాలను పరీక్షించగా... 330 మందికి నెగెటివ్, 43 పాజిటివ్ వచ్చినట్టు వైద్యశాఖ బులెటిన్లో తెలిపింది.
కడప జిల్లాలో 15 మందికి, పశ్చిమ గోదావరి జిల్లాలో 13 మందికి కరోనా సోకింది. చిత్తూరు జిల్లాలో ఇవాళ 5 కరోనా కేసులు నమోదు కాగా.. మొత్తం 6కు చేరాయి. ప్రకాశం జిల్లాలో ఇవాళ 4 కరోనా కేసులు నమోదవగా... మొత్తం 15కు చేరాయి. నెల్లూరు జిల్లాలో ఇవాళ 2 కరోనా కేసులు నమోదవగా... మొత్తం కేసులు 3కు చేరాయి. గుంటూరు జిల్లాలో 9 కేసులు, అనంతపురం జిల్లాలో 2, కర్నూలులో ఒక కేసు నమోదు అయ్యాయి.