నకిలీ కాంగ్రెస్ విజయం.. ఓ విషాదం: తులసిరెడ్డి

స్థానిక ఎన్నికల్లో నకిలీ కాంగ్రెస్​ విజయం.. ఓ విషాదం అని కాంగ్రెస్ పార్టీ కార్యనిర్వాహక అధ్యక్షుడు తులసిరెడ్డి అన్నారు. రాష్ట్రంలో పెరుగుతున్న ధరలు.. ప్రభుత్వ వైఫల్యానికి కారణం అని ఎద్దేవా చేశారు. నకిలీ కాంగ్రెస్ అంటే వైకాపానని పేర్కొన్నారు.

మున్సిపల్, కార్పొరేషన్ ఎన్నికల్లో నకిలీ కాంగ్రెస్(వైకాపా)విజయం.. విషాదకరమని కాంగ్రెస్ పార్టీ కార్యనిర్వాహక అధ్యక్షుడు తులసిరెడ్డి మండిపడ్డారు. వైకాపా పాలనలో నిత్యావసర ధరలు విపరీతంగా పెరిగాయని ధ్వజమెత్తారు. మరింత పెంచేందుకేనా ఈ విజయం అని ప్రశ్నించారు. ఇప్పటికే రాష్ట్రం అప్పులపాలైందని.. మరిన్ని అప్పులు చేయటానికేనా ఈ గెలుపని దుయ్యబట్టారు. రాష్ట్రంలో అభివృద్ధి శూన్యమని విమర్శించారు.

ఇదీ చదవండీ..ఏప్రిల్ 15 నుంచి ఇళ్ల నిర్మాణం ప్రారంభం: సీఎం జగన్