తప్పిన పెను ప్రమాదం.. సెల్లార్ గుంతలో పడిన కళాశాల బస్సు
తెలంగాణలోని హైదరాబాద్ మాదాపూర్లో పెనుప్రమాదం తప్పింది. మాదాపుర్ పీఎస్ పరిధిలోని ఖానామెట్ సమీపంలో ఓ ప్రైవేటు కళాశాలకు చెందిన బస్సు సెల్లార్ గుంతలో పడిపోయింది. ఈ ఘటన జరిగిన సమయంలో బస్సులో విద్యార్థులు లేకపోవడం వల్ల అంతా ఊపిరి పీల్చుకున్నారు. ప్రమాదంలో బస్సు డ్రైవర్కు స్వల్ప గాయాలయ్యాయి. అతన్ని స్థానికులు ఆసుపత్రికి తరలించారు. బిల్డర్ నిర్లక్ష్యమే ప్రమాదానికి కారణమని స్థానికులు ఆరోపించారు. దీనిపై పోలీసులు కేసు నమోదు చేసుకుని దర్యాప్తు చేస్తున్నారు.