ఈటల రాజేందర్‌కు పుట్టినరోజు శుభాకాంక్షలు చెప్పిన కేసీఆర్​

తెలంగాణ భాజపా నేత, ఎమ్మెల్యే ఈటల రాంజేందర్​కు సీఎం కేసీఆర్​ పుట్టిన రోజు శుభాకాంక్షలు తెలిపారు. పలువురు భాజపా నేతలు, ఈటల అభిమానులు బర్త్​ డే విషెస్​ చెప్పారు.

భాజపా నేత, హుజూరాబాద్​ ఎమ్మెల్యే ఈటల రాజేందర్‌కు తెలంగాణ సీఎం కేసీఆర్‌ పుట్టినరోజు శుభాకాంక్షలు తెలిపారు. పుట్టినరోజు శుభాకాంక్షలు తెలుపుతూ ఈటలకు కేసీఆర్ లేఖ పంపారు. ఈటలకు ఆయురారోగ్యాలు ఇవ్వాలని భగవంతుడిని కోరుకున్నట్లు లేఖలో తెలిపారు.

ఈటల రాజేందర్​కు తెలంగాణ గవర్నర్ తమిళిసై పుట్టినరోజు శుభాకాంక్షలు తెలిపారు. భాజపా తెలంగాణ రాష్ట్ర అధ్యక్షుడు బండి సంజయ్​ ఈటల నిండు నూరేళ్లు ఆయురారోగ్యాలతో ఉండాలని.. ప్రజాసేవలో తరించాలని భగవంతుడిని ప్రార్థిస్తున్నట్లు ట్వీట్ చేశారు.

ఈటల రాజేందర్​కు భాజపా ఎంపీ ధర్మపురి అర్వింద్ బర్త్​డే విషెస్​ చెప్పారు. భారత మాత సేవలో ఎల్లప్పుడూ విజయం సాధించాలని ఆకాంక్షించారు.

ఈటలకు మాజీ ఎంపీ, భాజపా నాయకురాలు విజయశాంతి పుట్టిన రోజు శుభాకాంక్షలు తెలిపారు. నిండు నూరేళ్లు ఆయురారోగ్యాలతో ఉండాలని భగవంతుడిని కోరుకున్నారు. బర్త్​ డే విషెస్ చెప్పిన వారందరికీ ఈటల రాజేందర్ ధన్యవాదాలు తెలిపారు.

ఇదీ చదవండి:అమానుషం: స్కూటీపై పుల్లతో గీశాడని ఆరేళ్ల బాలుడి కాలు విరగొట్టాడు!