నేడు రాష్ట్రవ్యాప్తంగా గోపూజ మహోత్సం- నరసారావుపేటలో పాల్గొననున్న సీఎం

రాష్ట్రవ్యాప్తంగా గోపూజ మహోత్సవాన్ని ప్రభుత్వం నిర్వహిస్తోంది. గుంటూరు జిల్లా నరసారావుపేట మున్సిపల్​ స్టేడియంలో జరిగే పూజలో సీఎం జగన్​ పాల్గొంటారు.

రాష్ట్రంలోని 2,679 ఆలయాల్లో నేడు గోపూజ మహోత్సవాన్ని ప్రభుత్వం నిర్వహిస్తోంది. తిరుమల తిరుపతి దేవస్థానం, దేవాదాయశాఖ ఆధ్వర్యంలో కామధేను పూజ జరిపిస్తున్నారు. ఇస్కాన్ సహకారంతో 108 గోవులకు పూజ నిర్వహించనున్నారు. తితిదే ఆధ్వర్యంలో గంటపాటు కామధేను పూజ జరగనుంది. ఈ కార్యక్రమంలో పాస్​లు ఉన్నవారినే అనుమతిస్తామని అధికారులు తెలిపారు.

గుంటూరు జిల్లా నరసరావుపేట మున్సిపల్‌ స్టేడియంలో జరిగే గోపూజలో ముఖ్యమంత్రి జగన్‌ పాల్గొంటారు. ఉదయం 10:30 గంటలకు తాడేపల్లి నివాసం నుంచి సీఎం బయలుదేరనున్నారు. 11:25 గంటలకు స్టేడియంకు చేరుకుని అక్కడ ఏర్పాటు చేసిన వివిధ స్టాళ్లను పరిశీలిస్తారు. అనంతరం గోపూజ మహోత్సవంలో పాల్గొంటారు. మధ్యాహ్నం 1:10 గంటలకు తిరిగి తాడేపల్లి చేరుకుంటారు.

ఇదీ చదవండి:పోలీస్ హౌసింగ్ కార్పొరేషన్​ను ఏపీతో పంచుకోండి: తెలంగాణకు నిపుణుల కమిటీ సూచన