CM Jagan Review on PRC: ఉద్యోగులకు వేతన సవరణపై ముఖ్యమంత్రి జగన్ సమీక్షించారు. ఈ భేటీకి సీఎస్, ఆర్థిక మంత్రి బుగ్గన, ప్రభుత్వ సలహాదారు సజ్జల హాజరయ్యారు. పీఆర్సీ, ఉద్యోగుల ఇతర డిమాండ్ల పరిష్కారంపై చర్చించారు. ఉద్యోగులకు ఎంతశాతం ఫిట్‌మెంట్ ఇవ్వాలనే దానిపై సమాలోచనలు జరిపారు.
ఫిట్‌మెంట్‌తో బడ్జెట్‌పై ఎంత భారం పడుతుందో అనే దానిపై అధికారులు నివేదిక ఇచ్చారు. 14.29 శాతం దాటి ఎంత పెంచితే ఎంత భారమనే అంశంపై వివరించారు. నేడు ఉద్యోగ సంఘాల నేతలతో సీఎం చర్చలు జరిపే అవకాశం ఉంది. ఉద్యోగ సంఘాలతో జరిపే చర్చల్లో ముఖ్యమంత్రి.. ఫిట్‌మెంట్ ఖరారు చేయనున్నట్లు తెలుస్తోంది.