లెర్న్ టు ఎర్న్ కార్యక్రమానికి హైస్కూల్ స్థాయిలోనే నాంది పడాలని సీఎం జగన్ పేర్కొన్నారు. పాఠశాల విద్య, గోరుముద్ద కార్యక్రమాలపై సమీక్షించిన ఆయన.. కిండర్ గార్డెన్‌పై ప్రత్యేక దృష్టి పెట్టాలని ఆదేశించారు. పాఠశాల విద్య పరిధిలోకి పీపీ-1, పీపీ-2 ప్రతిపాదనపై పరిశీలించాలని సూచించారు. ఈ సమావేశంలో విద్యాశాఖ మంత్రి ఆదిమూలపు సురేశ్, ఇతర అధికారులు పాల్గొన్నారు. పాఠశాలల పక్కనే అంగన్వాడీ కేంద్రాలు ఏర్పాటు చేయాలని సీఎం స్పష్టం చేశారు. సీఎం సమీక్షలో వివరాలను మంత్రి సురేశ్ వెల్లడించారు.
సెప్టెంబర్ 5 నుంచి పాఠశాలలు..?
సెప్టెంబర్ 5 నుంచి పాఠశాలల ప్రారంభించే అంశాన్ని పరిశీలిస్తున్నామని విద్యాశాఖ మంత్రి ఆదిమూలపు సురేశ్ ప్రకటించారు. సెలవుల కుదింపు, సిలబస్ అంశాలపై త్వరలో ఎస్ఓపీ విడుదల చేస్తామన్నారు. ఈ విద్యా సంవత్సరం నుంచే వర్క్ పుస్తకాలు ఉంటాయని... వర్చువల్ క్లాస్ రూమ్, ఇంగ్లీష్ ల్యాబ్‌లు ఏర్పాటవుతాయని తెలిపారు. ప్రస్తుతం రెండు భాషల్లో పాఠ్య పుస్తకాలు ముద్రించామని వెల్లడించారు. 8వ తరగతి నుంచి కంప్యూటర్ శిక్షణ ఇవ్వాలని సీఎం ఆదేశించారని పేర్కొన్నారు. దశలవారీగా కేరీర్ కౌన్సిలింగ్ ఇవ్వాల్సిన అవసరాన్ని మంత్రి ప్రస్తావించారు. 8వ తరగతి నుంచి మౌలిక అంశాలతో విద్యాబోధన ఉంటుందన్నారు. దివ్యాంగులైన విద్యార్థుల కోసం ప్రత్యేక కేంద్రం ఏర్పాటు చేస్తామన్నారు.
సంస్థాగత మార్పులపై దృష్టి
నాడు-నేడు కార్యక్రమం 3 దశల్లో పూర్తి చేస్తామన్న మంత్రి సురేశ్... విద్యాశాఖలో నాణ్యతా ప్రమాణాల పెంపుపై దృష్టి పెట్టామని తెలిపారు. ఏడాదిగా మౌలిక సౌకర్యాల పెంపుపై నిధులు ఖర్చు చేశామని... ఇకపై సంస్థాగత మార్పులపై దృష్టి పెడతామన్నారు. డైరెక్టర్ల స్థాయిలో నియామకంపై ముఖ్యమంత్రికి ప్రతిపాదించామని.. పాఠ్య పుస్తకాలు, ఆంగ్ల మాధ్యమం, ఇతర విభాగాలకు ప్రత్యేక అధికారులు కావాలన్నారు. మధ్యాహ్న భోజనం, పాఠశాలల్లో శుభ్రతపై పర్యవేక్షణకు డైరెక్టర్ స్థాయి అధికారి ఉండాలని మంత్రి అభిప్రాయపడ్డారు. రాబోయే రోజుల్లో 25 జిల్లాలు ఏర్పాటైతే అధికారులు అవసరమని చెప్పారు.
వచ్చే ఏడాది నుచి ప్రీప్రైమరీ, కిండర్ గార్డెన్