Civil Services Prelims: జూన్‌ 5న సివిల్స్‌ ప్రాథమిక పరీక్ష

వచ్చే సంవత్సరం జూన్‌ 5వ తేదీన సివిల్‌ సర్వీసెస్‌ ప్రిలిమ్స్‌(ప్రాథమిక పరీక్ష) నిర్వహించబోతున్నట్లు యూనియన్‌ పబ్లిక్‌ సర్వీస్‌ కమిషన్‌ వెల్లడించింది.

దేశవ్యాప్తంగా 2022 సంవత్సరంలో పలు ఉద్యోగ పరీక్షల కాలపట్టికను యూనియన్‌ పబ్లిక్‌ సర్వీస్‌ కమిషన్‌(యూపీఎస్‌సీ) విడుదల చేసింది. అత్యంత ప్రతిష్ఠాత్మకంగా భావించే సివిల్‌ సర్వీసెస్‌ ప్రిలిమ్స్‌(ప్రాథమిక పరీక్ష) వచ్చే సంవత్సరం జూన్‌లో ఉంటుంది. మెయిన్‌ పరీక్షలను ఆ ఏడాది సెప్టెంబరులో నిర్వహిస్తారు. ఇంజినీరింగ్‌ సర్వీసెస్‌, ఎన్‌డీఏ, ఫారెస్ట్‌ సర్వీసెస్‌, కంబైన్డ్‌ డిఫెన్స్‌ సర్వీసెస్‌ తదితర మొత్తం 24 ఉద్యోగ పరీక్షల తేదీలను ఖరారు చేసి యూపీఎస్‌సీ కాలపట్టికను జారీ చేసింది.

అలాగే సివిల్స్‌-2021 ప్రిలిమ్స్‌ను ఈ ఏడాది అక్టోబరు 10న, వాటి మెయిన్‌ పరీక్షలను వచ్చే జనవరి 7, 8, 9, 15, 16 తేదీల్లో నిర్వహిస్తారు. ఇండియన్‌ ఫారెస్ట్‌ సర్వీస్‌-2021 మెయిన్‌ పరీక్షలు వచ్చే ఫిబ్రవరి 27వ తేదీన మొదలై మార్చి 8తో ముగుస్తాయి.

ఇదీ చూడండి:SCHOOLS REOPENING: రాష్ట్రవ్యాప్తంగా విద్యాసంస్థలు పునః ప్రారంభం