మాజీ మంత్రి దేవినేని ఉమకు మరోసారి సీఐడీ నోటీసులు

11:53 April 30

దేవినేని ఉమకు మరోసారి సీఐడీ నోటీసులు

                    ముఖ్యమంత్రిపై అనుచిత వ్యాఖ్యలు, వీడియో మార్ఫింగ్ అభియోగాలపై సీఐడీ అధికారులు మాజీమంత్రి దేవినేని ఉమకు మరోసారి నోటీసులిచ్చారు. మే1 వ తేదీ ఉదయం 11గంటలకు మరోమారు విచారణకు హాజరు కావాలని సీఐడీ అధికారులు నోటీసులిచ్చారు. గురువారం మంగళగిరి సీఐడీ కార్యాలయంలో 9 గంటల పాటు దేవినేని ఉమని అధికారులు విచారించారు. విచారణలో భాగంగా ఉమకు అధికారులు పలు ప్రశ్నలు సంధించారు.  

                ప్రెస్ మీట్​లో ఉమ ఉపయోగించిన సెల్ ఫోన్, ట్యాబ్​లు ఎక్కడ అని అధికారులు అడిగారు. ఉమ ఇచ్చిన వివరణతో సంతృప్తి చెందని సీఐడీ అధికారులు మరోసారి విచారణకు రావాలని నోటీసుల్లో పేర్కొన్నారు. దీనిపై హైకోర్టులో అనుబంధ పిటిషన్ వేసేందుకు దేవినేని ఉమ సిద్ధమవుతున్నారు.

ఇదీ చదవండి: మానవత్వం చాటిన కానిస్టేబుల్​