రాష్ట్ర డీజీపీకి తెదేపా అధినేత చంద్రబాబు లేఖ

రాష్ట్ర డీజీపీ గౌతం సవాంగ్​కు తెదేపా అధినేత చంద్రబాబు లేఖ రాశారు. రాష్ట్రంలో శాంతి భద్రతలు క్షీణిస్తున్నాయని ఆయన దృష్టికి తీసుకెళ్లారు. గతంలో ఎప్పుడూ లేని విధంగా శాంతి భద్రతలు అట్టడుగు స్థాయికి చేరాయని ఆవేదన వ్యక్తం చేశారు.

రాష్ట్రంలో శాంతి భద్రతలు పూర్తిగా క్షీణిస్తున్నాయంటూ తెదేపా అధినేత చంద్రబాబు నాయుడు రాష్ట్ర డీజీపీ గౌతం సవాంగ్ కు లేఖ రాశారు. వాక్ స్వాత్రంత్రం హరిస్తున్నారని లేఖలో మండిపడ్డారు. రాష్ట్రంలో ఎప్పుడూ లేని విధంగా శాంతి భద్రతలు అట్టడుగు స్థాయికి చేరాయని ఆవేదన వ్యక్తం చేశారు. ప్రాథమిక హక్కులను ప్రభుత్వం కాల రాస్తుందని చంద్రబాబు లేఖలో పేర్కొన్నారు. ప్రజలు, మీడియా ప్రతినిధులపై వరుస దాడులు కొనసాగుతున్నాయని ఆగ్రహం వ్యక్తం చేశారు. అధికార పార్టీ ప్రతినిధులు సంఘ విద్రోహ శక్తుల ద్వారా శాంతి భద్రతల సమస్యలు సృష్టిస్తున్నారని చంద్రబాబు లేఖలో వివరించారు. చీరాలలో ఆమంచి వర్గీయులు విలేకరిపై దాడి చేసినా ఇంకా చర్యలు తీసుకోలేదని డీజీపీకి లేఖలో తెలిపారు. గతంలో ఏపీ పోలీసులకు సమర్థులు అనే పేరు ఉండేదని...కానీ గత కొన్ని రోజులుగా వైకాపాకు అనుకూలంగా వ్యవహరిస్తున్నారనే పేరు వచ్చిందని తెలిపారు. ప్రతి ఒక్కరి ప్రాథమిక హక్కులకు భంగం కలగకుండా పోలీసులు తగిన చర్యలు తీసుకోవాలని లేఖలో పేర్కొన్నారు.

ఇదీ చదవండి :లింగమనేని పిటిషన్ పై విచారణ వాయిదా