'నమ్మకం నిలబెట్టుకోకపోతే.. చరిత్రహీనులమే'

ముఖ్యమంత్రి జగన్ ఇకనైనా మాటమీద నిలబడి పాలన చేయాలని.. తెదేపా అధినేత చంద్రబాబు హితవు పలికారు. రివర్స్ జగన్ పేరిట చంద్రబాబు ఓ వీడియో విడుదల చేశారు. ఏడాది కాలంగా రద్దులు, జే టర్న్​లు తప్ప చేసిందేమీ లేదని విమర్శించారు. ప్రత్యేక హోదా నుంచి అమరావతి వరకు చెప్పినవేమీ చేయలేదని మండిపడ్డారు. అమల్లో ఉన్న 10 పథకాలు రద్దు చేసి ఆ డబ్బుతో ఒక్క పథకం అమలు చేస్తాననడం మోసమని ధ్వజమెత్తారు.

వైకాపా ప్రభుత్వంపై చంద్రబాబు విమర్శలు

సీఎం జగన్ పాలనపై తెదేపా అధినేత చంద్రబాబు విమర్శలు గుప్పించారు. రివర్స్ జగన్ పేరిట వీడియో విడుదల చేశారు. ప్రజలు మీ మాటలు నమ్మి, మీ నాయకత్వాన్ని అంగీకరించినప్పుడు.. హామీలపై 'జే-టర్న్' తీసుకుంటే.. ప్రతిపక్షంలో ఉన్నప్పుడు పదేపదే మీ నోటి వెంట వచ్చిన విశ్వసనీయత అనేది ఎక్కడున్నట్టు? అని నిలదీశారు.

అన్నింటిలోనూ వెనకడుగే

సన్న బియ్యం, కాళేశ్వరం, 45 ఏళ్లకే పింఛన్, ఉద్యోగుల సీపీఎస్, కరెంట్ చార్జీలు, రైతులకు రూ. 3 వేల కోట్ల స్థిరీకరణ నిధి, యువతకు ఉపాధి.. ఇలా అన్నింటిలోనూ తీసుకున్న జే-టర్న్​లతో రాష్ట్రం తిరోగమనం బాట పట్టిందని దుయ్యబట్టారు. ప్రజల జీవితాలను, సమాజాన్నీ ప్రభావితం చేసే రాజకీయాల్లో నమ్మకం ముఖ్యమని ఉద్ఘాటించారు. ఆ నమ్మకం నిలబెట్టుకోకపోతే చరిత్రహీనుల్లా మిగిలిపోతామని చంద్రబాబు అన్నారు.

ఇవీ చదవండి.... ఇసుక సరఫరాలో అధికారులు విఫలం: వైకాపా ఎమ్మెల్యే