CBN on Army Chopper Crash: ఆర్మీ హెలికాప్టర్ ప్రమాదంపై.. చంద్రబాబు దిగ్భ్రాంతి

CBN On Army Helicopter Crash: ఆర్మీ హెలికాప్టర్ ప్రమాదం ఘటన తనను షాక్​కు గురిచేసిందని తెదేపా అధినేత చంద్రబాబు అన్నారు. ఘటనపై దిగ్భ్రాంతి వ్యక్తం చేసిన ఆయన..ప్రమాదంలో చనిపోయిన వారి కుటుంబసభ్యులకు ప్రగాఢ సానుభూతి తెలిపారు.

CBN On Army Helicopter Crash: త్రివిధ దళాధిపతి బిపిన్‌ రావత్​తో పాటు మరికొందరు ప్రయాణిస్తున్న ఆర్మీ హెలికాఫ్టర్‌ ప్రమాదానికి గురికావటం పట్ల తెలుగుదేశం అధినేత చంద్రబాబు దిగ్భ్రాంతి వ్యక్తం చేశారు. ప్రమాద ఘటన తనను షాక్​కు గురిచేసిందన్నారు. హెలికాప్టర్ ప్రమాదంలో చనిపోయిన వారి కుటుంబసభ్యులకు ప్రగాఢ సానుభూతి తెలుపుతూ ఆయన ట్వీట్ చేశారు.

తమిళనాడులో ప్రమాదం..
తమిళనాడు కూనూర్​ సమీపంలో మిలిటరీ చాపర్​ కుప్పకూలింది. ఈ ఘటనలో ఇప్పటివరకు ఐదుగురు చనిపోయినట్లు తెలుస్తోంది. మరికొందరు తీవ్రంగా గాయపడ్డారు. హెలికాప్టర్​లో.. త్రిదళాధిపతి జనరల్​ బిపిన్ రావత్​, ఆయన సతీమణి సహా ఇతర ఉన్నత అధికారులు ఉన్నారు. సూలూర్​ వైమానిక స్థావరం నుంచి వెల్లింగ్టన్​లోని డిఫెన్స్​ సర్వీసెస్​ కాలేజీకి(డీఎస్​సీ) వెళ్తుండగా ​హెలికాప్టర్​ కుప్పకూలింది. నీలగిరి జిల్లాలోని కొండ ప్రాంతాల్లో శిథిలాలు పడిపోయాయి. సైన్యం యుద్ధ ప్రాతిపదికన సహాయక చర్యలు చేపట్టింది.

ప్రమాద సమయంలో హెలికాప్టర్​లో ఉన్నవారు..

1. సీడీఎస్ జనరల్ బిపిన్ రావత్​
2. మధులిక రావత్​(బిపిన్​ రావత్​ సతీమణి), DWWA ప్రెసిడెంట్​
3. బ్రిగెట్​ ఎల్​ఎస్​ లిద్దర్​
4. లెఫ్టినెంట్ కర్నల్​ హరీందర్ సింగ్​
5. ఎన్​కే గురుసేవక్ సింగ్​
6. ఎన్​కే జితేంద్ర కుమార్​
7. ఎల్​/ఎన్​కే వివేక్​ కుమార్​
8. ఎల్​/ఎన్​కే బి సాయి తేజ
9. హావిల్దార్​ సత్పాల్​

త్రివిధ దళాల అధిపతి (సీడీఎస్‌) జనరల్‌ బిపిన్‌ రావత్‌ ప్రయాణిస్తున్న హెలికాప్టర్‌ కూలిన నేపథ్యంలో కేంద్ర కేబినెట్‌ అత్యవసరంగా సమావేశమైంది. ప్రమాదంపై ప్రధానికి రాజ్‌నాథ్‌ వివరించినట్లు సమాచారం.

ఇదీ చదవండి