ccmb on omicron: కరోనా కొత్త వేరియంట్ కలవరపెడుతున్న నేపథ్యంలో వీలైనంత ఎక్కువ సంఖ్యలో శాంపిల్స్ను జీనోమ్ సీక్వెన్స్ చేయాలని ఇన్సకాగ్ భావిస్తున్నట్టు సీసీఎంబీ ప్రకటించింది. దేశంలో మొట్టమొదటి ఒమిక్రాన్ కేసులను ఎంసీబీఎస్ గుర్తించిన విషయం తెలిసిందే. బెంగళూరు, దిల్లీ, పుణె, హైదరాబాద్ సిటీ క్లస్టర్లలో జీనోమ్ సీక్వెన్స్ చేసేందుకు నాలుగు నెలల క్రితం ఏర్పడిన నేషనల్ ల్యాబొరేటరీస్ పెర్ఫార్మింగ్ జీనామిక్ సర్వే లైన్సు కన్సార్టియంలో ఎన్సీబీఎస్ భాగస్వామి కావడం గమనార్హం.
ఈ కన్సార్టియంకి సీసీఎంబీ నేతృత్వం వహిస్తుండటం విశేషం. బెంగళూరు, హైదరాబాద్, పుణె, దిల్లీలో పరిస్థితులను ఈ కన్సార్టియం ఎప్పటికప్పుడు గమనిస్తుందని సీసీఎంబీ సీనియర్ శాస్త్రవేత్త డాక్టర్ రాకేష్ మిశ్రా పేర్కొన్నారు. ఎక్కువ వైరస్ నమూనాల జన్యుక్రమాలను కనుగొనడంపై దృష్టి పెట్టినట్లు ఆయన వెల్లడించారు. ఇన్సకాగ్ సహకారంతో ఇప్పటికే జీనోమ్ సీక్వెన్స్ను పెంచమని తెలిపిన ఆయన... మరింత వేగంగా శాంపిళ్లను పరీక్షించేందుకు కృషి చేస్తుందని స్పష్టం చేశారు.