శివశంకరన్​ మృతిపై చంద్రబాబు, లోకేశ్ సంతాపం

ప్రముఖ సాహిత్య చిత్రకారుడు కేసీ శివశంకరన్​ మృతి పట్ల తెదేపా జాతీయ అధ్యక్షుడు చంద్రబాబు, ఆ పార్టీ జాతీయ ప్రధాన కార్యదర్శి లోకేశ్ సంతాపం తెలిపారు. చందమామలోని విక్రమార్క - బేతాళ కథలకు చిత్రరూపంలో ప్రాణం పోసి.. అంబులి మామగా ప్రసిద్ధి చెందిన విలక్షణ చిత్రకారుడు శివశంకరన్​ అని కొనియాడారు.

చంద్రబాబు ట్వీట్

ప్రముఖ సాహిత్య కళాకారులు కె.సి.శివశంకరన్ మృతి పట్ల తెదేపా అధినేత చంద్రబాబు, ఆ పార్టీ జాతీయ ప్రధాన కార్యదర్శి లోకేశ్​ సంతాపం తెలిపారు. శివశంకరన్​ మరణం సాహిత్యలోకానికి తీరని లోటని విచారం వ్యక్తం చేశారు. వారి కుటుంబసభ్యులకు తమ ప్రగాఢ సానుభూతిని తెలియజేశారు. బాలల సాహిత్య సంచిక చందమామలో విక్రమార్క - బేతాళ కథలకు చిత్రరూపాన్ని ఇచ్చి "అంబులి మామ"గా ప్రసిద్ధిచెందిన విలక్షణ చిత్రకారుడని చంద్రబాబు కొనియాడారు. శివశంకరన్‌ చిత్రలేఖా నైపుణ్యం అద్వితీయమని పేర్కొన్నారు. నాగిరెడ్డి సంపాదకీయానికి, శంకర్ చిత్రాలు తోడై చందమామ సంచికను మరోస్థాయికి చేర్చాయని చెప్పారు. ఆ మహానుభావుని ఆత్మకు శాంతి చేకూరాలని భగవంతుడిని ప్రార్థిస్తున్నట్లు తెలిపారు.

బాలసాహిత్య ప్రపంచానికి తీరనిలోటు

లోకేశ్ ట్వీట్

పిల్లల కథల పుస్తకాలంటే వెంటనే గుర్తొచ్చేది నాగిరెడ్డి ప్రారంభించిన చందమామ సంచికలైతే, అందులో అందరినీ ఆకర్షించేవి ఆ కథలకు అనుగుణంగా బొమ్మలని లోకేశ్ గుర్తు చేశారు. ఆ బొమ్మలకు ప్రాణం పోసిన శివశంకరన్​ మరణం బాలసాహిత్య ప్రపంచానికి తీరనిలోటని పేర్కొన్నారు. చందమామ సంచిక, అందులోని బొమ్మలు ఎందరికో చిన్ననాటి జ్ఞాపకాలని తెలిపారు. అంతటి అమూల్యమైన చిత్రాలను రూపొందించిన శంకర్ చరిత్రలో ఎప్పటికీ నిలిచిపోతారని లోకేశ్ కొనియాడారు.

ఇదీ చదవండి: