మహారాష్ట్ర, కర్ణాటక రాష్ట్రాలకు తెలంగాణ ఆర్టీసీ బస్సులు

అన్​లాక్​ 4.0లో భాగంగా మహారాష్ట్ర, కర్ణాటక రాష్ట్రాలకు రేపటి నుంచి తెలంగాణ ఆర్టీసీ బస్సులు నడవనున్నాయి. ఆ రాష్ట్రాలకు బస్సులు నడిపేందుకు తెలంగాణ సీఎం అంగీకరించగా అధికారులు ఏర్పాటు చేస్తున్నారు.

మహారాష్ట్ర, కర్ణాటక రాష్ట్రాలకు రేపటి నుంచి తెలంగాణ ఆర్టీసీ బస్సులు నడవనున్నాయి. ఈ మేరకు రవాణా శాఖ మంత్రి పువ్వాడ అజయ్​కుమార్ స్పష్టం చేశారు. అన్​లాక్ 4.0లో భాగంగా ప్రభుత్వం ప్రజా రవాణాకు అనుమతి తరువాత ఇప్పటికే జిల్లాలకు ఆర్టీసీ బస్సులు నడుస్తున్నాయి. ఇతర రాష్ట్రాలకు మాత్రం నడవడం లేదు. తాజాగా సీఎం కేసీఆర్ ఆదేశాలతో మహారాష్ట్ర, కర్ణాటకకు ఆర్టీసీ బస్సులను నడపాలని ఆర్టీసీ నిర్ణయించింది. ఈ మేరకు అధికారులు ఏర్పాట్లు చేస్తున్నారు.

మరోవైపు తెలంగాణ-ఆంధ్రప్రదేశ్​ల మధ్య అంతర్రాష్ట్ర సర్వీసుల చర్చలు ఇంకా కొలిక్కి రాకపోవటం వల్ల ఆ రాష్ట్రానికి బస్సులు నడిపించడం లేదని అధికారులు స్పష్టం చేశారు.

ఇదీ చదవండి