ఎస్​ఈసీ నిర్వహించే అఖిలపక్ష సమావేశం బహిష్కరించిన భాజపా

ఎస్‌ఈసీ ఆధ్వర్యంలో రాజకీయ పార్టీల సమావేశాన్ని భాజాపా బహిష్కరించింది. తీర్పు రాకముందే నిర్ణయం తీసుకోవడాన్ని భాజపా వ్యతిరేకించింది.

పరిషత్‌ ఎన్నికల ప్రకటన విడుదలపై భాజపా అసంతృప్తి వ్యక్తం చేసింది. ఎస్ఈసీ తీసుకున్న నిర్ణయానికి నిరసనగా.. అఖిలపక్ష సమావేశాన్ని బహిష్కరిస్తున్నట్లు తెలిపింది. తీర్పు రాకముందే నిర్ణయం తీసుకోవడాన్ని భాజపా వ్యతిరేకించింది.

'ఎస్‌ఈసీ సమావేశాన్ని బహిష్కరిస్తున్నాం. గతంలో భాజపా-జనసేన చేసిన విజ్ఞప్తులను విస్మరించారు. హఠాత్తుగా చేసిన నిర్ణయాన్ని నిరసిస్తూ సమావేశాన్ని బహిష్కరిస్తున్నాం.' - సోము వీర్రాజు

పరిషత్ ఎన్నికల నిర్వహణపై అభిప్రాయాలు తీసుకోవడానికి ఎస్ఈసీ ఉదయం 11 గంటలకు రాజకీయ పార్టీల ప్రతినిధులతో భేటీ ఏర్పాటు చేసింది. ఎస్‌ఈసీ అఖిలపక్ష సమావేశాన్ని జనసేన పార్టీ కూడా బహిష్కరించింది.

ఇదీ చదవండి: ఎస్​ఈసీ నిర్వహించే అఖిలపక్ష సమావేశాన్ని బహిష్కరిస్తున్నాం: పవన్