కరోనా వైరస్ నిర్ధరణ పరీక్ష, ఫలితంతో నిమిత్తం లేకుండా... లక్షణాలున్నా, అనారోగ్యం తీవ్రంగా ఉన్నా.... చికిత్స అందించాలన్న ప్రభత్వ ఆదేశాలు చాలాచోట్ల అమలు కావడం లేదు. తీవ్ర అనారోగ్య సమస్యలతో పెద్దాస్పత్రులకు వెళ్లినా... సమయానికి పడకలు కేటాయించడం లేదన్న ఆరోపణలు వెల్లువెత్తుతున్నాయి. సిఫార్సులు ఉంటే తప్ప చేర్చుకోవడం లేదంటూ.... కొన్ని ప్రాంతాల్లో బాధితులు వాపోతున్నారు. రాష్ట్రవ్యాప్తంగా ప్రభుత్వాస్పత్రుల్లో 25 వేలకు పైగా పడకలు ఖాళీగా ఉన్నట్లు చూపిస్తున్నా... బాధితులు నేరుగా ఆస్పత్రులకు వెళ్తుంటే చేర్చుకోవడం లేదు. అధికారంలో ఉన్నవారినో..., ఉన్నతాధికారులనో ఆశ్రయించి... వారితో ఫోన్లు చేయిస్తే తప్ప ఆస్పత్రుల్లో చేర్చుకోవడం లేదు. పెద్దల ఆశీస్సులు లేని పేద, బడుగు వర్గాల వారికి ప్రభుత్వ ఆస్పత్రుల్లో వైద్యం గగనమైపోతోంది. ఆస్పత్రుల్లో బెడ్లు ఎన్ని ఉన్నాయో తెలిపే బోర్డులు చాలాచోట్ల కనిపించడం లేదు.
- అమ్మో.. ఒంగోలు జీజీహెచ్‌లోనా?
నెల్లూరు జీజీహెచ్లో చేరాలంటే అష్టకష్టాలు తప్పట్లేదని బాధితులు వాపోతున్నారు. ఊపిరాడని స్థితిలో వచ్చినా... వైరస్ నిర్ధరణ పరీక్ష చేయించుకుని రావాలని పంపిస్తున్నారని అంటున్నారు. సిఫార్సు లేకుంటే ఒంగోలు జీజీహెచ్లో అడ్మిషన్ దొరకడం గగనంగా మారిందని... బాధితులు అసహనం వ్యక్తం చేస్తున్నారు.