Balakrishna on bheem: రోగులకు నాణ్యమైన సేవలతోపాటు ఆసుపత్రి, వైద్యుల పూర్తి సమాచారం అందించేందుకు తెలంగాణ హైదరాబాద్ లోని బసవతారకం ఇండో అమెరికన్ క్యాన్సర్ ఆసుపత్రి.. "రీసెర్చ్ ఇన్స్టిట్యూట్ భీమ్‌" పేరుతో హాస్పిటల్ ఇన్ఫర్మేషన్ మేనేజ్మెంట్ సిస్టంను అందుబాటులోకి తెచ్చింది. గీతమ్ డీమ్డ్‌ యూనివర్సిటీ సహకారంతో రూపొందించిన భీమ్‌ సిస్టంను క్యాన్సర్ ఆసుపత్రి ఛైర్మన్‌ బాలకృష్ణ ప్రారంభించారు.
రోగులకు పారదర్శకతతో కూడిన సేవలను అన్ని వర్గాలకు సమాన స్థాయిలో అందేలా చూడడంలో ఈ సాఫ్ట్వేర్ కీలక పాత్ర పోషిస్తుందని ఆసుపత్రి ఛైర్మన్‌ బాలకృష్ణ తెలిపారు. రోగులకు సంబంధించిన రికార్డులను వారి ఇంటి వద్ద నుంచే చూసుకునే వీలు కలిపించే విధంగా ఈ సాఫ్ట్వేర్ రూపొందించినట్లు చెప్పారు. అత్యాధునిక సెక్యూరిటీ, ప్రైవసీ పరిరక్షణకు సంబంధించిన అంశాలను జోడించి రూపొందించడం జరిగిందన్నారు.