ఆజాదీ కా అమృత మహోత్సవాలు.. రాష్ట్రవ్యాప్తంగా జెండా ర్యాలీలు

AZADI KA AMRIT MAHOTSAV: ఆజాదీకా అమృత్ మహోత్సవాల్లో భాగంగా.. రాష్ట్ర వ్యాప్తంగా జెండా ర్యాలీలు చేపట్టారు. పెద్ద సంఖ్యలో పిల్లలు, మహిళలు, ఉద్యోగులు పాల్గొన్ని భారతీయుల ఐక్యతను చాటుకున్నారు. 'భారత్​ మాతా కీ జై' అంటూ ప్రజల్లో జాతీయ భావన ఉప్పొంగేలా నినాదాలు చేపట్టారు.

Tiranga Rally:ఆజాదీకా అమృత్ మహోత్సవంలో భాగంగా.. నెల్లూరులో విద్యార్థులు భారీ ర్యాలీ నిర్వహించారు. నగరంలోని మైనార్టీ వెల్ఫేర్ స్కూల్ నుంచి.. అయ్యప్ప గుడి సెంటర్ వరకు స్వాతంత్ర సమరయోధుల వేషధారణతో భారీ ర్యాలీ తీశారు. ప్రజల్లో జాతీయ భావన ఉప్పొంగేలా నినాదాలు చేస్తూ.. ఉత్సాహంగా ర్యాలీ సాగింది. ఇందులో వివిధ పాఠశాలల విద్యార్థులు భారీ ఎత్తున పాల్గొన్నారు.

ఆజాదీకా అమృత్ మహోత్సవ్ లో భాగంగా కర్నూలులో మాంటిస్సోరీ విద్యాసంస్థల సిబ్బంది బైక్ ర్యాలీ నిర్వహించారు. బ్రిటీష్ వారిని తరిమికొట్టేందుకు క్విట్ ఇండియా ఉద్యమం ఎంతో కీలకపాత్ర పోషించిందన్నారు. ఈ ఉద్యమానికి 80 సంవత్సరాలు పూర్తైన సందర్భంగా.. ద్విచక్ర వాహన ర్యాలీ నిర్వహిస్తున్నట్లు ఉపాధ్యాయులు తెలిపారు. ప్రజల్లో అవగాహన కల్పించేందుకు ర్యాలీ చేపట్టామని వివరించారు.

శ్రీ సత్యసాయి జిల్లా ధర్మవరంలో తిరంగా ర్యాలీ నిర్వహించారు. 270 అడుగుల పొడవైన జాతీయ జెండాతో.. పొట్టిశ్రీరాములు కూడలి నుంచి పట్టణంలోని ప్రధాన రహదారుల్లో... ప్రదర్శన నిర్వహించారు. విద్యార్థులు వివిధ శాఖల ఉద్యోగులు, మహిళా సంఘాలు చిన్న జాతీయ జెండాలు చూపుతూ.. ర్యాలీలో పాల్గొన్నారు.

గుంటూరు జిల్లా ఫిరంగిపురంలో జాతీయ జెండాతో ర్యాలీ నిర్వహించారు . విద్యార్థులు దేశ నాయకుల వేషధారణలో ఆకట్టుకున్నారు . ఐ లవ్ ఇండియా అంటూ నినాదాలు చేశారు. ఈ కార్యక్రమంలో ప్రజాప్రతినిధులు పాల్గొన్నారు.

ఇవీ చదవండి: