పెళ్లి సంబంధం చెడగొట్టాడని వ్యక్తిపై గొడ్డలితో యువకుడి దాడి

పెళ్లి చెడకొట్టాడని కోపంతో ఓ వ్యక్తి ప్రాణాలు తీయడానికి ప్రయత్నించిన ఘటన.. తెలంగాణలోని కామారెడ్డి జిల్లా కేంద్రంలో చోటు చేసుకుంది. గోసంగి కాలనీకి చెందిన కోదండం పరశురాంపై ఆర్​బీ నగర్​కు చెందిన అల్లం శివ.. గొడ్డలితో దాడి చేశాడు. బాధితుడు ఆస్పత్రిలో చికిత్స పొందుతుండగా.. నిందితుడు పరారీలో ఉన్నట్లు పోలీసులు తెలిపారు.

తెలంగాణలోని కామారెడ్డి జిల్లా కేంద్రంలో దారుణం చోటు చేసుకుంది. పెళ్లి చెడిపోయిందన్న యువకుడి బాధ ఒకరి ప్రాణాలు తీసేవరకు వెళ్లింది. తన పెళ్లి సంబంధం చెడగొట్టాడన్న కక్షతో పరుశురాం అనే వ్యక్తిపై ఓ యువకుడు గొడ్డలితో దాడి చేశాడు. తీవ్రంగా గాయపడిన పరుశురాం పరిస్థితి విషమంగా ఉండటం వల్ల ఆస్పత్రికి తరలించారు.

కామారెడ్డి జిల్లా కేంద్రంలోని బాలుర ఉన్నత పాఠశాల ఎదుట గోసంగి కాలనీకి చెందిన కోదండం పరుశురాంపై ఆర్​బీ నగర్​కు చెందిన అల్లం శివ గొడ్డలితో దాడి చేశాడు. పెళ్లి సంబంధం విషయంలో శివ ప్రవర్తన గురించి.. యువతి కుటుంబ సభ్యులకు పరుశురాం చెడుగా చెప్పాడని ఈ ఘాతుకానికి పాల్పడ్డాడు. పోలీసులు కేసు నమోదు చేసుకుని విచారణ చేపట్టారు. అల్లం శివ పరారీలో ఉన్నట్లు పోలీసులు తెలిపారు.

ఇదీ చదవండి:పోలీసులు కొట్టారనే మనస్థాపంతో రైతు ఆత్మహత్యాయత్నం!