తెలంగాణకు ఆర్టీసీ సర్వీసుల పునఃప్రారంభంపై చర్చలకు తాత్కాలికంగా బ్రేక్ పడిందని ఆర్టీసీ ఎండీ మాదిరెడ్డి ప్రతాప్ అన్నారు. వివిధ అంశాలపై మాట్లాడిన ఆయన... కరోనా పరీక్షల సంఖ్య పెంచేలా 21 ఇంద్ర బస్సులను సంజీవని వాహనాలుగా మార్చామన్నారు. ప్రతి ఇంటికీ కూరగాయలు పంపిణీ చేసేలా బస్సుల్లో సంచార రైతుబజార్లు ఏర్పాటు చేయనున్నామన్నారు.
ఆర్టీసీకి వివిధ బ్యాంకుల్లో రూ.7 వేల కోట్ల అప్పులు ఉన్నాయి. ఛార్జీలు పదిరెట్లు పెంచినా ఆర్టీసీకి నష్టాలు తీరవు. సిబ్బంది వేతనాలకు ప్రభుత్వం నెలకు రూ.300 కోట్లు ఇస్తోంది. లాభనష్టాలతో సంబంధం లేకుండా బస్సులు నడుపుతాం. ఆర్టీసీని ఆదుకోవాలని కేంద్ర ప్రభుత్వాన్ని కోరాం - ఆర్టీసీ ఎండీ ప్రతాప్