డిసెంబర్ 14 నుంచి ప్రారంభం కానున్న గ్రూప్-1 మెయిన్స్ పరీక్షలను వాయిదా వేయాలని సీఎం జగన్ను గ్రూపు-1 అభ్యర్థులు కోరారు. తాడేపల్లి క్యాంపు కార్యాలయానికి వచ్చిన అభ్యర్థులు స్పందనలో విజ్ఞప్తి చేశారు. హైకోర్టు తీర్పుతో ఇటీవల గ్రూప్-1 మెయిన్స్ కు 1378 మంది అభ్యర్థులు అర్హత పొందామని.. డిసెంబర్ 14 నుంచి పరీక్షలు నిర్వహిస్తే తాము సిద్ధం కాలేమని తెలిపారు.
అదేరోజు కేంద్ర, రాష్ట్ర ఉద్యోగ నియామక పరీక్షలు ఉన్నాయని వివరించారు. వీటిలో యూపీఎస్సీ, రైల్వే, స్టాఫ్ సెలక్షన్, ఏపీసెట్ పరీక్షలు ఉన్నాయని లేఖలో పేర్కొన్నారు. ఇబ్బందులు పడకుండా ఉండేందుకు గ్రూప్-1 పరీక్షలను 3 నెలలపాటు వాయిదా వేయాలని అభ్యర్థులు కోరారు.