రాష్ట్రంలో కొన్ని ప్రైవేటు డీఈడీ కళాశాలల యాజమాన్యాల అత్యాశ.. 25 వేల మంది విద్యార్థుల భవిష్యత్తును అగమ్యగోచరంగా మార్చింది. 2018-2020 బ్యాచ్‌కు సంబంధించి అనుమతి లేకుండానే ప్రవేశాలు కల్పించి విద్యార్థుల భవిష్యత్తును అవి నాశనం చేశాయి. ఫలితంగా.. రెండేళ్లపాటు చదివిన చదువు ఎందుకూ పనికి రాకుండా పోయింది. డీసెట్‌లో అర్హత సాధించని వారికి అసలు కౌన్సెలింగ్‌తో సంబంధం లేకుండా విద్యా సంస్థలు ప్రవేశాలు కల్పించాయి. ఇది నిబంధనలకు విరుద్ధమని తెలిసినా విద్యార్థులకు మాయ మాటలు చెప్పి ఇప్పుడు వారిని రోడ్డున పడేశాయి. ఈ బ్యాచ్‌ వారికి మొదటి ఏడాది పరీక్షలు ఈ నెల 28 నుంచి నిర్వహించనున్నారు. డీసెట్‌లో అర్హత సాధించని విద్యార్థులను పరీక్షలకు అనర్హులుగా ప్రకటించారు.
ఇదీ పరిస్థితి..