విద్యుత్ రంగం సంక్షోభంలో కూరుకుపోవడానికి సీఎం జగనే కారణమని ఏపీ పీఏసీ ఛైర్మన్‌, తెదేపా సీనియర్‌ నేత పయ్యావుల కేశవ్‌ ఆరోపించారు. రాష్ట్రంలోని సమస్యను అంతర్జాతీయ దేశాలతో పోల్చడమేంటని మండిపడ్డారు. ప్రధానికి సీఎం జగన్ రాసిన లేఖలో చైనా, యూరప్‌తో ఏపీని పోల్చడమేంటని ప్రశ్నించారు.
ఆ సంక్షోభానికి ప్రధాన కారణం సీఎం జగనే: పయ్యావుల
విద్యుత్ విషయంలో పొరుగున ఉన్న తెలంగాణతో పోల్చుకోకుండా వేరే దేశాలతో పోల్చుకోవడం హాస్యాస్పదంగా ఉందన్నారు. తెలంగాణలో విద్యుత్ వ్యవస్థ మెరుగ్గా ఉండగా.. చైనా గురించి జగన్‌కు ఎందుకని పయ్యావుల విమర్శించారు. విభజన నాటికి ఏపీలో మిగులు ఉంటే.. తెలంగాణలో లోటు ఉందని గుర్తు చేశారు. ప్రస్తుతం విద్యుత్ విషయంలో తెలంగాణ మెరుగ్గా ఉందని తెలిపారు.