ఆ ప్రచారం నమ్మొద్దు... వయో పరిమితి తగ్గింపు లేదు : ఏపీ ఎన్జీవో సంఘం

ప్రభుత్వ ఉద్యోగుల వయో పరిమితి 60 నుంచి 57 సంవత్సరాలకు తగ్గిస్తున్నట్లు జరుగుతున్న ప్రచారం అవాస్తమని ఏపీ ఎన్జీవో సంఘం ప్రకటించింది. ఆ ప్రచారాన్ని నమ్మొద్దని కోరింది. ప్రభుత్వానికి ఉద్యోగులకు మధ్య విభేదాలు సృష్టించేందుకు సామాజిక మాధ్యమాల్లో తప్పుడు ప్రచారం జరుగుతుందని ఆరోపించింది.

రాష్ట్ర ప్రభుత్వ ఉద్యోగుల వయోపరిమితి తగ్గింపుపై జరుగుతున్న ప్రచారంలో వాస్తవంలేదని ఏపీ ఎన్జీవో సంఘం ప్రకటించింది. ఈ మేరకు ఏపీ ఎన్జీవో సంఘం రాష్ట్ర అధ్యక్షుడు ఎస్.చంద్రశేఖరరెడ్డి ప్రకటన విడుదల చేశారు. రాష్ట్ర ప్రభుత్వ ఉద్యోగుల పదవీ విరమణ వయస్సును 60 నుంచి 57కు తగ్గిస్తున్నట్లు సామాజిక మాధ్యమాల్లో తప్పుడు ప్రచారం జరుగుతుందన్నారు.

ఏపీ ఎన్జీవో సంఘం ప్రకటన

ఆ ప్రచారంలో వాస్తవం లేదని ..ఎవరూ నమ్మవద్దని ఆయన విజ్ఞప్తి చేశారు. ప్రభుత్వానికి ఉద్యోగులకు మధ్య విభేదాలు కలుగజేసేందుకు కొందరు ప్రయత్నిస్తున్నాయన్నారు. అవాస్తవాలు ప్రచారం చేస్తున్న వారిపై ప్రభుత్వం కఠిన చర్యలు తీసుకోవాలని ఎన్జీవో సంఘం అధ్యక్షుడు కోరారు.

ఇదీ చదవండి :శ్రీకాకుళం కలెక్టరేట్​లో కరోనా కలకలం