కొవిడ్ చికిత్స అందిస్తున్న ప్రైవేటు ఆసుపత్రులు.. నిబంధనలకు విరుద్ధంగా ఫీజులు వసూలు చేస్తున్నాయంటూ దాఖలైన ప్రజా ప్రయోజన వ్యాజ్యంపై సోమవారం హైకోర్టులో విచారణ జరిగింది. కౌంటర్ అఫిడవిట్ దాఖలుకు అదనపు అడ్వకేట్ జనరల్ 2 వారాలు గడువు కోరారు.
ఈ క్రమంలో కేసు విచారణను హైకోర్టు 2 వారాలు వాయిదా వేసింది. గుంటూరుకు చెందిన సామాజిక కార్యకర్త సురేష్ తరఫున హైకోర్టు న్యాయవాది నర్రా శ్రీనివాసరావు ఈ ప్రజా ప్రయోజన వ్యాజ్యం దాఖలు చేశారు.