విదేశాంగ శాఖ మంత్రిని కలిసిన ఏపీ మత్స్యకారులు

పాకిస్థాన్, బంగ్లాదేశ్​ దేశాల్లో బందీలుగా ఉన్న తమవారిని విడిపించాలని కోరుతూ... రాష్ట్ర మత్స్యకారులు వైకాపా ఎంపీల సాయంతో దిల్లీలో విదేశాంగ శాఖ మంత్రి జయశంకర్​ను కలిసి విన్నవించారు.

రాష్ట్ర మత్స్యకారులు వైకాపా ఎంపీలతో... విదేశాంగ మంత్రిని దిల్లీలో కలిశారు. ఎంపీలు విజయసాయి రెడ్డి, మిథున్ రెడ్డి, అవినాష్​రెడ్డి, బెల్లాన చంద్రశేఖర్ వీరిని విదేశాంగ మంత్రి దగ్గరకు తీసుకెళ్లారు. రెండేళ్ల కిందట విజయనగరం, శ్రీకాకుళం, తూర్పుగోదావరి జిల్లాలకు చెందిన మత్స్యకారులు 30మందిని పాక్, బంగ్లాదేశ్​లు బందీలుగా పట్టుకున్నాయి. తమ కుటుంబసభ్యులను వెంటనే విడుదల చేసేలా... చర్యలు తీసుకోవాలని మత్స్యకారులు మంత్రి జయశంకర్​ను కోరారు.

ఇవీ చదవండి...స్మార్ట్​ఫోన్​కు రక్షణ కల్పించే కండోమ్​ గురించి తెలుసా?