అపోహలు వద్దు

సామూహిక ఓట్ల నమోదు, తొలగింపు చర్యలకు పాల్పడుతున్న వ్యక్తులపై కఠిన చర్యలు తీసుకుంటామని రాష్ట్ర ప్రధాన ఎన్నికల అధికారి గోపాలకృష్ణ ద్వివేది తెలిపారు. సచివాలయం నుంచి 13 జిల్లాల కలెక్టర్లు, ఈఆర్​ఓలతో దూరదృశ్య సమీక్ష నిర్వహించారు.

సామూహిక ఓట్ల నమోదు, తొలగింపు చర్యలకు పాల్పడుతున్న వ్యక్తులపై కఠిన చర్యలు తీసుకుంటామని రాష్ట్ర ప్రధాన ఎన్నికల అధికారి గోపాలకృష్ణ ద్వివేది అన్నారు. అమరావతి సచివాలయం నుంచి 13 జిల్లాల కలెక్టర్లు, ఈఆర్​ఓలతో వీడియో కాన్ఫరెన్స్ నిర్వహించారు. ఫారం-7 ద్వారా బీఎల్​ఓకు వచ్చిన ప్రతి దరఖాస్తును మూడు దశల్లో పరిశీలించి నిర్ధరణ చేసుకున్న తర్వాత మాత్రమే చర్యలు తీసుకుంటామని స్పష్టం చేశారు. ఈ విషయంలో ఎలాంటి అపోహలకు లోను కావద్దని ఓటర్లకు సూచించారు.
ఆయా వ్యక్తులకు తెలియకుండా వేల సంఖ్యలో ఆన్​లైన్ దరఖాస్తు చేస్తున్నారనేది ప్రధాన ఆరోపణగా ఉందని... అలాంటి వాటిని ఏ సిస్టం ద్వారా చేస్తున్నారో సాంకేతిక పరికజ్ఞానంతో గుర్తించే వీలుందన్నారు. సంబంధిత ఓటర్ల ఫిర్యాదులపై జిల్లా కలెక్టర్లు చర్యలు తీసుకుని...ఆ వ్యక్తులపై చర్యలు తీసుకోవాలన్నారు.ఇప్పటికే నియోజకవర్గ పరిధిలో అందిన ఫారం-6 దరఖాస్తులను పరిశీలించి పరిష్కరించడం కోసం 24 x 7 పని గంటలు పనిచేయ్యాల్సి ఉందన్నారు. మార్చి 5నాటికి ఈఆర్ఓల వద్ద ఉన్న అన్ని దరఖాస్తులు పరిష్కరించాలని ద్వివేది ఆదేశించారు.

ఇది కూడా చదవండి.

పరీక్షల ఒత్తిడా... ఇవి చదవండి!