ఏపీ ఈఏపీ (ఇంజినీరింగ్‌, వ్యవసాయం, ఫార్మసీ) సెట్ను సెప్టెంబరులో నిర్వహించనున్నారు. వృత్తి విద్య కోర్సుల్లో ప్రవేశాలకు నిర్వహించే ఐసెట్‌, లాసెట్‌, ఎడ్‌సెట్‌లాంటి ప్రవేశ పరీక్షలన్నింటినీ ఇదే నెలలో నిర్వహించాలని ఉన్నత విద్యామండలి భావిస్తోంది. ఇంటర్‌ పరీక్షలు జులైలో నిర్వహించే అవకాశం ఉంది. పరీక్షలు, ప్రశ్నపత్రాల మూల్యాంకనానికి 45రోజుల వరకు సమయం పడుతుంది. దీంతో ఈఏపీ సెట్ను సెప్టెంబరులో జరపాలని నిర్ణయించారు. అక్టోబరులో ఆన్‌లైన్‌ ప్రవేశాల కౌన్సెలింగ్‌, నవంబరులో తరగతులు ప్రారంభించనున్నారు.
*రాష్ట్ర వ్యాప్తంగా పోస్టుగ్రాడ్యుయేషన్‌(పీజీ) కోర్సుల్లో ప్రవేశాలకు ఉమ్మడి ప్రవేశ పరీక్ష నిర్వహించనున్నారు. అక్టోబరులో పీజీ సెట్ జరపనున్నారు. పీహెచ్‌డీల్లో ప్రవేశాలకు అక్టోబరులోనే ఆర్‌సెట్‌ను నిర్వహించనున్నారు.