జగన్ సీఎం అయ్యాక బీసీలకు అన్నింటా సముచిత స్థానం కల్పించారని ధర్మాన కృష్ణదాస్‌ అన్నారు. తనకు ఉప ముఖ్యమంత్రిగా పదోన్నతి కల్పించారన్నారు. రాష్ట్రాభివృద్ధికి తన వంతు కృషి చేస్తానన్నారు. తనకీ అవకాశం కల్పించినందుకు ముఖ్యమంత్రికి ధన్యవాదాలు తెలిపారు.
వెనుకబడిన జిల్లా శ్రీకాకుళానికి సీఎం పెద్దపీట వేశారని నూతన మంత్రి అప్పలరాజు అన్నారు. తనపై ఉంచిన బాధ్యతను త్రికరణ శుద్ధిగా నెరవేరుస్తానన్నారు. నిజాయితీగా పనిచేస్తూ ప్రభుత్వానికి మంచి పేరు తీసుకొస్తానని తెలిపారు.
బలహీన వర్గాలకు జగన్ అత్యంత ప్రాధాన్యమిచ్చారని మంత్రి వేణుగోపాలకృష్ణ అన్నారు. రాష్ట్రంలో బలహీన వర్గాల శకం ప్రారంభమైందని... తూర్పుగోదావరి జిల్లా సహా రాష్ట్రాభివృద్ది కోసం పని చేస్తానని మంత్రి తెలిపారు.
