సుప్రీంకోర్టు ప్రధాన న్యాయమూర్తి జస్టిస్ ఎన్వీ రమణను ఏపీ బార్ కౌన్సిల్ ఛైర్మన్ గంటా రామారావు, సభ్యులు హైదరాబాద్లోని రాజ్భవన్లో మర్యాదపూర్వకంగా కలిశారు. సీజేఐ అయిన తర్వాత మొదటి సారిగా తెలుగు రాష్ట్రాలకు వచ్చిన సందర్భంగా రాజ్ భవన్లో జస్టిస్ ఎన్వీ రమణను కలిసి సన్మానించినట్లు.. ఛైర్మన్ గంటా రామారావు తెలిపారు. ఈ సందర్భంగా రాష్ట్రంలో హైకోర్టు న్యాయమూర్తుల సంఖ్యను పెంచాలని కోరామన్నారు. దీంతోపాటు ఆంధ్రప్రదేశ్ న్యాయవాదుల అకాడమీ ఏర్పాటు చేయటానికి సహకరించాలని చీఫ్ జస్టిస్ ఆఫ్ ఇండియా జస్టిస్ ఎన్వీ రమణను విజ్ఞప్తి చేశామని పేర్కొన్నారు. బార్ కౌన్సిల్ సభ్యులు సుంకర రాజేంద్రప్రసాద్, ఆలిండియా బార్ కౌన్సిల్ సభ్యులు రామిరెడ్డిలతో పాటు మొత్తం మరో 10 మంది సీజేఐను కలిశారు.
ఇదీ చదవండి: